لولا الضلوع انخلقت لشوقنا سور
....... شفنا .. قلوب العاشقين .. اتناثر
الله خلقنا حب .. واحساس .. وشعور
....... وانا عنيده .. لكن العشق جاير !!
خذني تراني بكسرك اليوم "مجبور"
....... واكسرني ان كان الكسر .. منك .. "جابر" !!
الصدر سجن وقلبي -تقول- "عصفور"
....... بجناح شوقه .. في سما الحب طاير
شفني اداري جروحك بصدري .. زهور !
....... وشف العتب .. من رقته لك .. عباير !!
فيني شعور لحمله احتاج .. لـ صدور
....... { مابين غيرة ساره وخوف هاجر } .. !
ياليتك تسيّر .. على القلب .. وتزور
....... وتشوف كيف الصدر يحوي .. مقابر
اغيب عنهم كلهم .. ان كانوا حضور
....... واهيم بك وان كنت طيفٍ .. وعابر !
تبعدني عنك ارض .. واميال .. وبحور
....... وانت الوحيد اللي على القلب قادر
اهديتني شوقٍ على هيئة "عطور"
....... والعطر يكفي .. بس هالشوق .. كافر
واهديت لك قلبٍ اغلفه بالنور
....... قلبٍ فضحني .. " لكن " الضلع ساتر !!
｡◕‿◕｡شقـــــــــــــاوهـ｡◕‿◕｡
موضوع: فينــــــــي شعوووووور 
ا
